Chamada á participación

A Rede Española de Filosofía da IA (reFIA) chama ao envío de propostas para o seu Primeiro Congreso Nacional de Filosofía da Intelixencia Artificial, concibido como un espazo de encontro para a investigación filosófica, interdisciplinaria e crítica sobre a intelixencia artificial e as súas transformacións sociais, epistémicas, políticas, xurídicas, ontolóxicas e culturais.

O congreso terá lugar na Universidade de Santiago de Compostela, na Facultade de Filosofía, Praza Mazarelos, os días 5, 6 e 7 de novembro de 2026. O día 7, sábado, a actividade desenvolverase só pola mañá.

Conferencias plenarias invitadas

O congreso contará con conferencias plenarias invitadas de:

Mark Coeckelbergh, University of Vienna
Adela Cortina, Universitat de València
Javier Echeverría, Ikerbasque / JAKIUNDE
Migle Laukyte, Universitat Pompeu Fabra
Vincent C. Müller, FAU Erlangen-Nürnberg

Liñas temáticas

Recibiranse con especial interese contribucións tanto individuais como de paneis sobre filosofía da IA que teñan que ver con ontoloxía, epistemoloxía, filosofía da tecnoloxía, filosofía da mente, ciencias cognitivas, ética, política, dereito e estudos sociais da IA.

Serán especialmente benvidas as propostas que aborden problemas concretos como a responsabilidade distribuída, o dereito á explicación, a xustiza algorítmica, a gobernanza democrática, a axencia artificial, a opacidade epistémica, a conciencia artificial, os modelos xenerativos, a automatización do traballo, a IA en educación e saúde, a creatividade computacional, a sustentabilidade material da IA e os límites normativos da automatización.

En concreto, valoraranse especialmente as seguintes áreas temáticas:

Ontoloxía e axencia artificial
Epistemoloxía, opacidade e coñecemento automatizado
Filosofía da mente, cognición e intelixencia artificial
Linguaxe, creatividade, arte e modelos xenerativos
Ética, responsabilidade e xustiza algorítmica
Dereito, regulación e gobernanza da IA
Política, democracia e poder algorítmico
Filosofía da tecnoloxía, traballo e formas de vida
Impactos sociais, ambientais e materiais da IA
Historia, imaxinarios e crítica cultural da IA

Esta lista non pretende ser exhaustiva. Serán igualmente benvidas outras contribucións filosóficas, teóricas ou interdisciplinarias relevantes para a comprensión crítica da intelixencia artificial.

Instrucións para o envío de propostas

Prazo para a recepción de comunicacións e propostas de paneis: 30 de xuño de 2026.

Comunicación de aceptación: 20 de xullo de 2026.

As propostas de comunicacións individuais terán que estar anonimizadas e incorporar o título e un resumo de non máis de 1.200 palabras.

As propostas de paneis terán que levar os nomes dos participantes e vir acompañadas dun resumo dun máximo de 500 palabras.

En ambos os casos, cada proposta levará asociado un arquivo diferente cunha nota biográfica dunhas 150 palabras.

As propostas, cos dous arquivos adxuntos, enviaranse á seguinte dirección:

refia@usc.es